十九歲少女潛入首相府報告 (呀 ~ 黎啦 !)（由Breed翻译）

我估大家都好驚訝點解我同美國總統布殊以及日本首相小泉握手既新聞同相片會係電視上面播放出黎。你可能會好驚訝咁問:「嘩!宇多田光你係度做緊乜?」
講俾你地知，就連我自己都唔知自己做緊咩? (笑)

起初當請柬送我手既時候，竟然係來自「首相」的地址! 首相府離EMI總公司十分接近，感覺亦很自由。當我一落車既時候我就諗到:「呀!這就是我經常從電視上看到的大門口!」我感到自己好似電腦影像般進入左虛擬世界。雖然守門口守衛曾經將一個名牌交俾我，上面有我個名同埋好簡單既形容。當我問這是什麼的時間，有一個人正好坐在總統布殊旁的講者(?)，同時我亦都開始閱讀�面既內容。這次係我第一次被寫錯名(笑)，最初我地係一個好大既會客廳度集合( 呀 ! 係呀 ~ 當我開始飲酒既時候，有不少的客人走過問我:「你塊面好紅喎，無問題嗎?」”真刺激” ~ 首相府原來咁突然同埋刺激架 ~ ! ) 在場我與新聞記者CHIKUSHI先生，MORGLE? 的SATOYA小姐 (冬季奧運會選手)與及同屬EMI公司的TOUGI先生比較多交談，逐漸我跟人群開始散我，退埋牆角。
微笑的總統布殊夫婦以及日本首相小泉突然係我眼前的金屏風前出現。「咩黎架!!」這真係太過難以想像喇，呀 ! 等等，我好似無愉準備喎 !! 哎呀 ~~~~!!!!就係呢個時候我個名被大會讀出出場與首相們握手，(太刺激其實對心臟唔係幾好。)同時，在場的外務所介紹人員將我叫做:「宇多田先生」，於是我用英文笑住咁問總統:「我係咪應該叫小姐好D呢?」總統布殊拎起我個名版咁答:「你對我黎講唔似係小姐喎!(笑)」我又講:「真係榮幸喎!其實我都係同你一樣係美國公民!!」我又同佢講:「其實我係哥倫比亞大學既學生。」

之後舞會係接待處舉行(?)，而我亦再一次有機會同日本首相小泉對話，我笑住對他講:「呢個屋企真不錯!」因為首相府好似係由Frank Lloyd Wright (凡高) 設計的，是嗎? ( 翻譯者註: 不過AGENT_Y好似唔多認同，佢話只係似Frank Lloyd Wright 既STYLE咋喎 ~ 嘻嘻 ) 我好高興係重建之前有機會入黎參觀，同時我亦開始好仔細咁研究D牆，天花板，與及四周圍，我覺得自己好似一個怪人般。(笑) 其間有人奏著管琴，當完結既時候，我才有機會近距離見識這座管琴。雖然我唔知道呢座管琴係男性人定係女性用，不過我覺得佢極之有魅力。

我完全無想過會有一日可以同一時間睇見我兩個國家的領導者，對我黎講這是一次非常有意義的聚會，不過可以見到前籃球員NAGASHIMA先生，柔道員YAWARA小姐，TAKENAKA先生以及日本許多不同既代表。

而家我擁有兩個護照，而我亦同時向兩個國家報稅，除此之外以我這個19歲的人黎講，我真係好難咁去搵出兩個國籍的意義何在。當我看著美國總統布殊以及日本首相小泉並肩一起既時候，我開始明白我個身為一個日本人及美國人的定位及責任。國家愈走向國際化，自己的定位及責任對我們亦愈來愈重要。我想我還有很多地方要學習啊!!!

但目前首要既係，我要先醫好我D感冒。當我今日順道去醫院睇醫生既時候，醫生開玩笑咁同我講:「你今日上頭條喎!」，最後我才記起與美國所簽既合同，我完全唔記得左因為我有林巴線發炎(笑)，我會再寫呢件事架喇，大家等等啦!

2月22日(金) 22時14分

我的眼睛啊……（由Breed翻译）

昨日嗎 ? 還是前日嗎 ? 我去studio 之前順道經過首相府參加左”布殊”總統的歡迎儀式。

嘩 ! 真係不得了!!

因為我今日的工作很早便開始，所以亦都可以很早便完結．而家我終於有時間可以坐定定係我部個人電腦前面去寫我係首相府當日的報告喇…… 我隻眼!! 好痛好痛 !!

原因可能係，今日，我同時被直接太陽光及大光燈中拍攝的雙重攻擊所引至。真係有夠刺眼!! 刺眼到流眼淚，連化妝都差不多崩裂 ~ !! 雖然我能夠忍耐這刺眼的強光，不過而家對住部電腦就真係好辛苦呢!!!!! Wow ~ 我擔心明天仲可以寫嗎 ?

呀 ~ 我的眼睛受「光」攻擊，無論如何… 真係諷刺的命運!! (笑)

2月20日(水)23時07分

我的人生中最短的三分鐘(直至現在)（由Breed翻译）

各位午安！
眼睛張開左未？
還覺得累嗎？
係咪疲倦到極點就連瞳孔都張唔開呢?（如果係既話就唔好上網住，等對眼休息下先喇!!）

好!等我不經意咁俾大家一個《世界經濟論壇》既突擊鑑定!!

每年都會係瑞士舉行的《世界經濟論壇》，由於今年九一一美國受襲事件關係而急於改係今年於美國紐約舉行。於一月三十一日的開幕禮上有來自世界各國的音樂家都係Qunicy Jones帶領下，與及Phil Ramon的演奏下參加，因而令來自世界各地的政治及經濟領導人得到一刻的放鬆。

其中眾多的音樂人中包括有Herbie Hancock， Lauryn Hill ， U2’s Bono ，Peter Gabriel等等，在眾多的豪華表演陣容中有一個日本人年青女子。問題黎喇，究竟係邊一個日本人係呢個世界會議中呢?

係喎…已經知道喇 ? 事實上係一月三十一日，長達半年冇演出既宇多田hikaru突然靜雞雞咁，秘密咁作出她的個人演出。由於這一次的演出係屬於政治活動之一，所以我諗係一段既經濟新聞上面都可以收睇到有關呢次活動的消息。

係論壇四日之前，我好榮幸有機會與Qunicy Jones首次會面 (超級紳士一名)，由於係我之前作品�面有亦有收錄過他與Frank Sinatra 合作過的fly me to the moon這首歌，所以好快咁就決定左用fly me 這首歌了。就係咁，我就係毫無預備既情況下，由開始至結束都盡量避免係台上跌落黎既狀態下，係台上於Herbie Hancock的鋼琴演奏中將這首歌唱完及與Mr Qunicy擁抱後回家，真係估唔到會咁快!!

雖然這一次之演出的確係十分之傖促，不過面對這一個「歌手既最高榮譽」而言，又有誰可以抵抗呢? 當我一睇表演歌手的陣容時，我已經恨不得立刻走上表演台上了。愈多關於這個論壇的消息，我就愈不自覺的起勁起來，而且我更覺得這一次的內容從現時黎睇係極之有意義。一諗到要點樣做先可以令這個地球上的人們生活得更好，在場既人就係管理將來的全球經濟發展而集合在這�數日，他們都係為左找尋一個方法去解決我們現時所面對的問題，分享他們的意見同時亦帶來新的問題。其實每年都係有一死亡行動在會場周圍發生，今次再加上係剛被恐怖份子遇擊中的美國紐約舉行，所以各人亦都必須要對自身既安全有所覺悟。這一次既現場表演目的，其實係為最少希望可以悄悄舒緩這一次高度緊張的會議而設的，以作為討論難題之前的一減壓方式。

各位，我相信你地曾經都對這世界感到不滿，有一D唔係好明白既事，又或者對某些事惰抱住一個疑問既態度，係咪 ? 但最後，大家都係咪只會嘆一句:「我又可以做乜呢?」而又毫無進展，係咪? 其實我諗大家都缺乏左一種「諗頭」的惡性循環以及環境所引至。我又覺得每當我地想做某件事既時候，我地總會只想到去幹一番大事才有意思。今次我，感到有機會從我的地方去到另外一邊，不過之後就全因自己興趣了。雖然行程安排關係我於一星期內兩次來回美日令我十分疲倦，但係我覺得無比充實啊!!

你地或者會問:「點解唔早少少通知地呀?」，由於事前表演者及出席者名單都係不能供開，對唔住呀! 紐約既中心部分都全部關閉以及早晚都係有警員看守會場，即使我入場亦都極之麻煩，所以第二朝早當我機場過境既時候，我覺得十分方便呢!! (笑)

我聽到呢次演出可以會有轉播呀 ~ 如果真係既話，「可以俾俾我睇得嗎?」我話，我想睇翻我自己啊 ~ 希望呢個唔係夢想啦 ~ 你肯定? (笑)
呀 ~ 雖然我唔知點講，不過呢三分鐘真係令我畢生難忘!!可惜我冇時間詳細去寫內心感覺，不過相比下我反而可以寫咁大段文章。(笑)

2月10日(日)14時34分

HIKKI 船長並唔係好丈夫…（由Breed翻译）

剛剛之前提過有關新SINGLE的事，當我去提取個人電腦時好細心諗過。好! 等我而家寫出黎先! 不過諗諗下……… 都係下次先。(這個小姑娘 ~ 真係五時花六時變? (笑)) 不過之前好似一直想講左好耐都仲未講喎，一直都係咁。準確D講，應該係大約53日…..。大家計計個日子啦。大約53 日前發生既事，嘛…. 12月… 9日… 噤上下啦。講起上年12月9日……… 係喎! 係宇多田HIKARU既首次演出三周年紀念日呀!!!!
記得起既人，真係好感動呀—————!!!!!!!!

終於都可以講左出黎…..終於都 ! 呼 ~ ! 當堂了結左件心事!! 本來自己一直都唔諗住講，但係唔知點解突然間諗起好耐以前既事感到已經太遲 ~ 對唔住呀!! 真係…… 我自己呢……都係遲左少少咋 ~ ( 少少咋喎 ~ ) 第日CHECK MAIL 既時候我已經立即醒起喇。由我個”個人電腦”離開左唔幾多日起這個之前曾經接觸過既話題都好似忘記都一旱二淨。哈哈哈哈 ~ 這麼年青，就已經明白到一種好似丈夫忘記左結婚紀念日的感覺!! (笑)

由於係出三周年紀念日既關係，等我講講初出導的感覺先，從而家起回顧呢三年的工作，令我深深感受到既係….大家給我MESSAGE 及信件入面大力支持。我讀大家的MESSAGE以及來信真係深刻的感覺到 ~ 果然呢 ~ !!再一次同大家講「好喜歡你地啊!」，真係開心極~~~~~~~了 !!! 我好想單純咁諗。世界上的各位情侶們啊，又或者係各位夫婦們啊，仲有，父母子女們啊，朋友們啊，邊個都好啦!! 我想每一位講要再一次去互相認識對方。(點解好似講到好大件事咁既??)請大家記得對自己重要既人再一次講「你好喜歡她」的感覺啊 ~ 一定會有意想不到的發生啊 ~ 絕對會開心到極呢 ~ 。

雖然同大家講過話要到處都讓大家見到「宇多田光」的我，其實果個係「宇多田HIKARU」與大家的約定啊。雖則係咁講，不過係咪有D打橫黎講呢 ? 不過呢個演出紀念日正好係我與各位之間設下一個非常好既溝通橋樑而有著重大的意義，就好似結婚紀念日一樣 ( 又記唔起? ) 重要。係 ~ 今年一定要發揮我做好一個好丈夫我本分!!

2月1 日(金) 15時10分