(我諗住就咁樣唔俾題目)（由Breed翻译）

呀 ~ 真係一個好重要既時刻!! 真係好感激大家對於我既問題有好快既回覆。我曾經諗過你地會喜歡我嗎，不過而家已經安心好多喇。不過對於件小事至少可以話俾我知我地大家係連繫一齊架。

「光」既PV係咪已經出左街喇? (應該係比我知既SINGLE發行日期早少少喎??)大家有冇睇過? 我有D擔心呀，大家睇完後覺得點呀? 我個人覺得十分之好，不過我唔知大家會唔會嚇一跳呢? 不過我希望呢個PV能夠帶俾大家一個驚喜。

呀 ! 因為之前個PV係「Traveling」，再之前個PV就係「Final Distance」(呀!係咪「Final Distance」呢? 雖然我成日都心力交瘁咁去諗個歌名，不過話咁快又唔會唔記得，都係一陣咋。) 而再之前既PV就係「Can You Keep a secret」，有冇錯?

PV入面用左電腦動畫講我去到另外一個星球同一個機械人來往。大家都可能會覺得有D可疑。當大家睇完我過去既PV既時候，大家可能不自覺對我最新既PV有所特別既希望。(你可能會好肯定咁認為我一定會搞新野!)

YEAH ! 我真係做到喇” 喂宇多田! 你從另外一邊黎架”。我經常都會去FAN SITE CHECK下大家既應，睇到大家對呢個PV都好評如潮真係幾開心。不過我諗你地仲有好多人未睇到，所以我會好耐心咁等大家既反應 ! 哈 ~~ 哈~~ 哈 !!

無論如何呢個就係我想係呢度同大家講既說話….我聽到「Traveling」既DVD大受好評，店舖入面既銷路亦相當不俗，真係好感謝大家對我既支持，我感到好高興呀! 可惜既係即使我把好多既創作原素加入PV之中，現今既日本依然唔係好多地方可以公開睇到。我諗呢個對於現時日本既音樂及影藝事業開展做成好大阻礙，原因係日本音樂頻道並唔係係電視上廣泛播放。

好對唔住大家因為我唔能夠最開始就同一時間推出CD Single 及DVD。我好希望有一個日市場能夠推出DVD SINGLE又或者有一D CD Player 可以有功能將聲音/DVD音效重播。我諗應該好快就會有喇因為世界係不斷進步既呢。

呀 ~ 講起時代改變，今日我去左銀座既ITO-YA文具店 shopping ，我覺到好震驚，筆同擦膠竟然可以有咁多種類。我好奇怪呢個世界其實駛唔駛要嗡多種類呢?
同樣地，當我作歌詞既時候我心入面只會圍繞著一個主題，相等於我由此至終都係只會用一支筆一樣，咁可以避免左我既思想受到阻礙。所以簡一支筆合適既筆對我黎講係極之重要。於時乎我好高興咁走入去個價賣場中。嘩 ~ 天呀! 我完全無諗過放筆既地方可以同便利店放飲品既地方一樣咁大。由於簡一支重既筆對我黎生死;尤關，所以我係入面行左好耐先可搵到我想至既野。

我奇怪如果係唔係拘泥於特別既筆的話，如果真係咁既話，我認為其實並唔需要咁多種類丫，係咪? 不過呢，你地都係隨便簡下既o者，係咪? 所以話而在現代人最大既煩惱奠過於「選擇」。

哎呀 ~ 不知不覺咁寫到好似自己既日記嗡添???? (笑)

3月14日(木) 02時30分

大家曾經試過嗎?（由Breed翻译）

某日我快要遲到，好衝忙咁準備要出門口之際 ( 莫非就係去首相府之前?)，我好失魂咁做左一件錯事。

我竟然倒左過量既洗頭水出黎 !!!

跟住我係度諗:「死喇! 真浪費呀 ~」同時我想將過多既洗頭水用樽口既吸力吸翻入去個樽�面，於是我將個樽口關好，倒轉用力渣個樽，然後再吸翻D洗頭水入去。(明白嗎??) 我想知你地係咪都係咁做架 ?

19 年以來，無論係護膚品又或者係洗頭水都好啦，每當我倒太多出黎既時候，我都會呢個方法吸翻入去而唔想浪費。我諗係人都會咁做架啦，不過，當我諗起我用咁多時間去吸翻D洗頭水而唔盡快去首相府，我不禁諗:「我係咪天生貧窮既呢?」

咁我好有興趣知道大家，究竟當你地好似我一樣咁忙既時候，仲會唔會好似一樣既呢?

我而家開始作緊「光」既英文版 (因為呢隻係全球發行既遊戲主題曲，因應不同既國家所以會有英文版既出現。

3月4日(月)05時05分