雙重喜事 !!!!（由Breed翻译）

6月9日喜事真係一浪接一浪!!

正當我好高興咁慶祝日本足球隊勝利既時候，原來已經日子已經不知不覺間過去左…………….

(木尾)先生、生日快樂呀! (好似係9號呀可??)
目標係成為日本第一既PROMOTER，(呀! 仲有要成為FREE PAPER 業界仲既最好編輯) 仲有要贏得廣大樂迷心目中既支持呢☆
唔，日本既國旗一整夜飄揚著令我感到無比既舒暢…….
(Reference from Agent_Y :(木尾)先生係Hikki sales promotion 負責人以及Freed Paper Uta-Maga 既編輯，亦都係hikki最信任既人之一)

6月10日(月)00時58分

自我重整 （由Breed翻译）

呀! 我個個人網站不知不覺就已經更新左! 而且更新既相片係唔係好可愛呢!!!! 好喇 ~我都要就襯住呢個更新同大家講下我既近況。雖然我有呢個諗法足足有成個禮拜，不過真至而家先開始寫。一旦真係開始寫既時候，其實真係有D困難，因為原來距離上一個留言已經有一段好長既時間喇，「嗚嘩 ~ ! 呢個乜唔係一個好重要既留言黎咩?? 可能會引起好多人注意架喎 ? 又或者會俾人引用都唔出奇喎??」我既自覺性令我好難去寫呢!! 緊張心情就好似第一次打電話俾個好朋友要同佢告白一樣 (笑) (我諗大家都應該好明白架啦! 我真係唔知要表現出若無其事咁丫，亦或係要表現出我既深深感概喎!! 真係好迷茫呀! 如果我講出黎，如果我係呢個地方寫出黎，我諗應該會輕鬆得多。事實上而家我已經係度寫緊而且我竟然仲覺得無比興奮!! 呀! 「近況報告」呢個名係工作入面經常用到，其實係唔止係呢方面。係度，我會好詳細咁解釋我係呢一個月入面做過D乜…..係喇!! 咁同「近況報告」又有咩分別!?

當我仲係讀緊高中時候，我就已經用上我大部既假期時間係工作上面，而家俾就好似好耐無放暑假既感覺一樣? (就根似北海道既小學生一樣 (笑)) 雖然係有假期，我就好似一個因骨折而唔可以出外玩耍既不幸小朋友一樣，總然之就只可以睇書，上網，聽音樂，睇戲，畫畫，如果身體有咩唔舒服就第一時間去醫院，係電視上面睇到有關自己既新聞既時候，我既反應通常都係「啊!」

呀! 我都可以睇到世界柸! 仲有，而家係電台上面公開播放緊我既「play ball」內容都係同棒球有關呢，禽日同朋友一齊睇日本隊戰鬥既時候，我好投入咁不斷大哎:「defense ! defense!」係果陣時，我D朋友同我講:「小光好似睇籃球打氣一樣!!」(笑) 小小事無所謂啦 ?

好老實講，由於我唔係好明「Off-side」既原因所以我對足球都唔係特別喜愛，直至現時為止。網球，籃球，排球同埋棒球都只係睇，從來都未玩過!!! 最近終於都有人教識知道「Off-side」既意思，之後我就漸漸覺得睇足球好有趣。「原來係咁?」真簡單。我開始愛上睇足球! 原來係真架，當你對某一件事愈理解，你就會愈喜愛。人與人既關係都一樣，當你愈了解某人既時候，你一定唔會討厭佢。所謂「真正丐人憎既人」，我認為，其實只係果個人唔肯再進一步了解周圍既人同埋事物，而用討厭為藉口吧。當然係人與人之間，我地係有權選擇是否與該人接觸。不過如果大家都抱著一份想了解多D既諗法去對待身邊既事物，那麼世界上既不和，戰爭，不必要既浪費時間就可以大大減少。我相信一定會減少!! 不但係社會入面，民族入面，甚至家族入面都一樣。

好 ~ 等我講翻D開心D既野先，我而家一瞬間所聽緊既音樂其實係NINE INCH NAILS 既LIVE CD ! YEAH !! 雖然我之前已經有佢地既歌，不過呢張大碟一出既時候就已經成為我至愛。同時我亦都有從美國送來既相同音質既DVD。(向住我地左手邊既低音以及結他手TRENT REZNOR”S 真係無得頂?) 之後我好認真咁聽住首black fatboy slim既”Live on Brighton Beach”。雖然兩首係完全唔同既樂章，不過我覺得好難去用現場演繹，相反地呢兩首歌都係用現場收錄，真係頂級完美。咁樣先至係我所認為既ROCK。呀 ~ 我都好鍾意Destiny”s child 既Remix Album 架 !

喂!! 我係top page著果件唔係泳衣黎架!!! (笑) 不過點解我係呢個時候會有新相出現既?? 正常黎講好似掉轉左喎，係嗎? CD開始發售之後呢幅相就會封印架喇(笑). 果條其實係一件頭連身裙黎架!!!!!!

6月5日(水)23時17分